السلام عليكم ورحمه الله وبركاته
هذه قيصده لحامد زيد
قصيده الجمهره
وأعجبتني
وأحببت أن تقرأونها معي
إي بالله أخطوا و الخطا اللي جابهم عين الصواب 0000
مبطي و انا اشوف الطمع يكشف رداهم و استره
ما يملى عيون الحسود بهالزمن غير التراب 0000000
و من لا يتوب من الخطا تحرم عليه المعذرة
اللي من أولها خراب أكيد تاليها خراب ....
و البندق اللي ما تثوّر في هدفها تذعره
مشكلتي إني ما عرفت أحسب لصدتهم حساب 000
قلطتهم صدري على ذكري قصيد و حنجرة
صوت(ن) يصول بمنظره و خطاب ما بعده خطاب 0000
و الطيبة اللي زعزعت صوت الخطيب و منظره
ما فيه دمع(ن) صوبوه أحبابي بوجهي و خاب 00000000000
و لا زرق حزني على غالي و لا فجّ نحره
كل الزهاب اللي معي ذكرى من اصحاب الزهاب 0000
و اللي بقى لي من عذاب أشرس طريقي و اخطره
لاني تجنبت الغرق عديت من فوق السحاب 00
لان اكثر أصحابي ورق ما شفت للطيب ثمرة
و الله ما حطيت بين الحقد و الخوّة حجاب 00
حتى غدوا ربعي يحدوني على الضيق أشكره
البارحة ثارت علي أرقاب و آوت لي رقاب 00
البارحة يا ثقل دم البارح و ياما أحقره
أهب ياوجه الحسد وشلون جمعهم و غاب 000
كيف السنين اللي عطتني بعثرتهم بعثرة
أثر المصايب ما تجيك إلا من الناس القراب 00
و فهالزمن حتى الخوي اللي تثق فيه إحذره
لا بارك الله في رفيق(ن) تزعله كلمة عتاب 000
و لا جمّع الله الرجال اللي تفرقهم مرة
عودت نفسي كل ما شددت لليمة ركاب 000
ما صد وجهي عن طريق إلا إليا جبت خبره
الصاحب اللي ما يجي من صحبته غير العذاب 00
نذر(ن) علي إن ما هجرني و الا أنا اللي بهجره
من يفتح لفرقاي باب أفك له عشرين باب 0000
و إذا خويي ما يقدر خوتي ما اقدّره
إن روحوا فانا بري(ن) منهم ليوم الحساب 0000
و ان جرحوا قولوا لهم ما حركوا في شعره
شفهم لهم حول السنة و لا اخذوا مني جواب 0000
أحسن دوا للي يحاول يستفزك تحقره
أنا جمعت أوراقهم بكتاب و اغلقت الكتاب 000
يا وقت لمّ اللي تلمه و انثر اللي تنثره
ما كنت أحاتيهم صغيّر عاد أحاتيهم شباب 000
إن ما ذخرني صاحبي لليوم الاسود ما اذخره
عقب اكتئاب البارحة ما عاد أنا حمل اكتئاب 0000 الطيب جرجرني و انا مانيب ناقص جرجرة
الثلاثاء مايو 13, 2008 1:07 pm
