هنا توضع الاقتراحات والشكاوي !!!!

انا عندي اقتراح واحد فقط

انه نحدد يومين في الاسبوع لتفريقه

واذا كان فيه مباراة او حدث مهم تؤجل

لان بصراحه كثير تتعارض التفريقه مع مواعيد او اشغال(اتكلم عن نفسي)

لاني ما اعرف متى موعد التفريقه الجايه

لو كنت اعرف ممكن ااجلها

هذا الي حبيت اني اطرحه بين ايديكم


وشكرااااااااااااااا.............

بسم الله الرحمن الرحيم



اشكركـــــــ اخوي ايمار ع فتح باب الاقتراحات واشكر اعضاء التفريقه اولا واخيرا .....................اما بعد





انـــا عندي<اقتراح> الا وهــــــــو بمــــــــا اننا مقبلين ع شهر رمضان الكريم والشهر طبعا اجازه كما نعرف ووقت الفراغ يكون كثـــير والليل طويل انا اقترح انهـــا تكثف عدد المباريات اي تكون تفريقتين بالاسبوع بدل تفريقه واحده اي تكون مثـــــــلا السبت والثلاثاء او الخميس والاثنين يعني يومين بالاسبوع بس تكون متفرقه شوي يعني مهب السبت والاحد او السبت والاثنين ومنهـــــــــــا نضيع وقت ونبعد عن الخمول ومن هالكلام ,هــــــــــــــــــــــذا مجرد اقتراح قابل للمناقشه ويمكن ناس ودهم نفسي ولا لقووو الفرصه المناسبه وبما ان اخوي ايمار فتح باب الاقتراح انا ابديت باقتراحي ونرجو المناقشه من اهل الخبره وشكــــــــرآآآ اخوكم TORRES 9

نفس كلام kaka

مشكورييين يا شباب

وبناخذ كلامك بعين الاعتبار ...

بندرس اقتراحاتكم وان شاء الله ما راح نخيب ظنكم فينا ...

السلام عليكم ورحمة الله وبركاته ...

ابارك على وضع مكان للإقتراحات ...


واقترح ( وجهة نظر ) انه يكون ارسال الرسائل من الانترنت وليست من الجوال ...



وتقبل مروري ..

عز الله انك صادق اخوي ايمار ............

اتوقع عشان يقول الواحد اقتراحه تكتب اللي بتسوي واللي عنده اعتراض أو اي شي زيادة + أو نقص -

يقوله اما الحين ما اقدر اطلع اقتراحات ( مخي فاضي ) هههه

وشوف اما عن قصة تصريح النجم أتوقع لو تحطه في جناح خاص ازين

مثل /
المنتدى العام
اخبار التفريقة
تصريحات النجوم
منتدى الكبتن إلـــخ

اقتراحك حلو اخوي ايمار

عندي اقتراح ممكن يعارضني عليه بعضكم

لاكن ابقوله واجري على الله

نشتري صباره ونحط فيها ثلج (عشان الاصابات),ماء,عصير

ونزيد القطه كم ريال او تفرظ الاداره على جميع اللاعبين ظريبه ثلج

وشكراااااااااااااااا

اخوي كاكا

اقتراحك جميل جدا ..

ونحن في صدد جمع المبالغ المتأخرة على لاعبين التفريقة ..

وبعد ذلك ان شاءالله ستتحقق رغباتكم

اول شي اشكر اخوي ايمار اللي مايبخل علينا بموضوعات وبارائه النيره..........

انا عندي اقتراح بالنسبه للنجم
بعد التفريقه ينزل موضوع صوت لاربع نجوم للتفريقه ندخل وكل واحد يكتب اربع اسامي
وناخذ اكثر اربع اسامي تكررواونزلهم بتصويت وبكذا نكون طيحنا عنا مهمه واشركنا جميع اعضاء التفريقه باختيار النجوم...................


وتقبلوا مروري

أنا لدي اقتراح لتحسين ميزانية التفريقه


بعد كل ثلاث تفريقات مثلاً تصبح الرسوم 15 ريال بدلاً من 10 ريال بحيث تضاف الخمس ريالات الى الميزانيه وبالتالي نستطيع سد العجز الحاصل لدينا مؤقتاً وباستمرار الفكره يكون لدينا ميزانيه زائده ..



واذا أعجبتكم الفكره وأيدتوني فيها أقترح أن يكون إبلاغ اللاعبين عن رسوم التفريقه بالجوال ..





أتمنى أن تعجبكم الفكره

انا عندي اقتراح

ليه ما تشيلون النجم !!!!!

والا لا تفتحون التصويت

اذا اختلفت اللجنه لا ينحط موضوع للتصويت المفتوح

كل واحد بالتصويت المفتوح تجرة العواطف .

واذا ما راح ينشاف للنجوميه حل ...

فانا اعتذر .. عن دخولي في التصويت للابد ...

صح كلامك

هاردلك يابو ناصر

يا ابا عبدالله


أقترح ان يكون او بالاصل ان يعود اختيار النجم للجنة خاصة وبدون تصويت لاني لاحظت انه يسبب العداوة والبغضا

فقدنا ابوناصر عن التصويت للابد

ويصير يجي يوم ويذهبون كل الاعضاء مثل ابوناصر للابد " حتى الحين فيه اعضاء غير راضين عن التصويت

لانهم انقسموا اعضاء التفريقة الى شيع

مجرد رأي


السلام عليكم

احيي رايك يا اخ مهند

بس انا ما انقطعت عن التصويت للابد

وشكرا"

اشكرك يابو حمد على حرصك واهتمامك ..


والصراحة هي فكرة طيبة ويمكن بتريح اللجنة كثير .. خصوصا ملاحقة اللي يصوت واللي ما يصوت ..

واللي يدخل واللي مايدخل للتصويت ..

لكن ..


المنتدى حقنا محد يحرص عليه الا علشان (التصويت) وبس !!

يعني لو نقطعه كان نقعد انا وياك ومحمد القضيبي نتلفت بلحالنا بالمنتدى !!!

ولا ودي يصير هالشي ..



ثانيا .. انا ودي ان الجميع يشاركنا القرارات مثل (التصويت) ويصير لهم كلمة -بغض النظر عن اختاروا زين او لا ؟- ...



شاكر لك يابو حمد ..

صح كلامك يابوعبدالله

بس ماله لزوم انهم يدخلوا الاعضاء او نجبرهم

مثلاً

اذا بتنزل اوامر نزلها بالمنتدى واذا احد خالفه يكون من المغرمين " وتكون حجتنا اننا منزلين الموضوع بس عدم الحرص شي ثاني

اكرر واقول يا اباعبدالله

انه ياليت لو ترجع تفريقتنا متواضعه والاختيار يكون منك ولا مانع انك تشاور لجنة معك خاصة


لمصلحة التفريقة " وانت ابخص

مجرد راي

السلام عليكم

قصدي بكلامي يا ابا عبدالله

انه اهم شي انهم يدخلون ويقرون المواضيع ويدرون بالجديد من القرارات ومهب لازم يردون

لو ما يكتب بالمنتدى الا انت لحالك او انا عادي >>> هذا قصدي " يعني مهب لازم المنتدى يصير نشيط

لو نهجره شهر عادي ماله لزوم وانا اخوك

وتوي ادري انهم كلهم يدخلون الا واحد قد يوصله القرارات من غيره >>> وهذا المهم انهم يدخلون ويقرون والردود خله لاهله واللي يرغب


اعذرني يا اباعبدالله على كثرة النقاش

اتقبل اي ملاحظة منك

عافاكما الله يا ابا حمد ويا أبا عبدالله !!

انا اشتكي على حكم المبارات الشوط الثاني بالتفريقة الماضية الاثنين


واشتكي بنفس التفريقة على سلومي لانه ما صبر على الحكم وما عامله بالحسنى ولا احترمه مع وجود المعارضات على الحكم من باقي الاعبين لكـــن بحدود



يمكن انكم تقولون شلون يشتكي وهو الرئيس


انا اقول اللي انا اتضايق منه


والشي اذا زاد عن حدهـ سوا بزيادة الخطأ او بتكرار الاخطاء نشوف له حل


وكلن رئيس على نفسه


كلنا اخوان