بسم الله الرحمن الرحيم
السلام عليكم ورحمة الله وبركاته
الموضوع جاء بوقت الاختبارات
الله يوفقكم بالدنيا والآخرة وابنائكم & وعساكم للجنة ووالديكم
الصراحة يا اخوان يوم طلعت اليوم من وانا بالسيارة بعد الاختبار
شغلت المسجل وسمعت سورة يوسف عليه السلام ، القصة باخjصار يوم اخذوهـ اخوانه والقوهـ بالبر ( في غيابة الجf ) وارجعوا لابوهـم ققالوا له : اكله الذئب !
قال ابوهم : بل سولت لكم انفسكم امرا ( ما قال قتل او حقد او ... ) وقال فصبر جميل والله المستعان على ما تصفون " يا زين الصبر
عاد نرجع ليوسف والهدف من الموضوع
من يقولي يا ناس يا عاقلين ( وفيه بعضكم متكبرين ومتعالين على بعض ) من يقول يوسف ( عليه السلام ) الحين وش يكون ؟ ( قبيلي او مشرد او ماله اصل او عبد يشترا ويباع او ... ) على العموم خلوا الجواب بردكم او بقلوبكم
عاد مروا سيارة ، ولقوا يوسف ((( وشتروهـ بثمن بخس ))) يوسف ! عليه السلام
الذي يملك نصف جمال الارض
ورسول من الله
وهو من عباد الله المخلصين كما قال الله بكتابه
وكما قال الله سبحانه في كتابه عن قصة يوسف ((( ... على دين ابواي ابراهيم واسحاق ويعقوب ... ))) كلهم انبيا وابراهيم نبي و خليل الله
يوسف يشترا بثمن بخس ؟؟؟ الله اكبر
وراح يوسف وهو صغير مع هذه السيارة وربوهـ وكبر عندهم بعيد عن ابوهـ واخوانه فهل صار نبينا يوسف ( غير قبيلي او عبد يشترا ويباع او قبيلي او ... ؟؟؟ )
فمالفرق بين القبيلي والغير قبيلي والعبد وكل ابناء آدم الذين اصلهم من الزوجين آدم وحوا ؟ ما الفرق انت وانتِ ياللي تقرون ما الفرق ؟
يعني وقوفت على زمان فات كانوا اخواننا يباعون ويشترون من اخواننا الاغنياء وغيرهم
فقال رسول الله ( صلى الله عليه وسلم ) بمعنى الحديث " كل الناس واحد والفرق عند الله بالتقوى "
"" وكلنا ابناء آدم وآدم من تراب ""
فليش التشدد القبيلي واستحقار كل من الناس لبعضهم وبالاصل لاخوانهم
القبيلي من اخوه الغير قبيلي
والغير قبيلي من اخوه العبد
وكل واحد من اخوهـ
وكل هؤلاء القبائل نشؤوا من اب او جد ( اما يكون الجد مشترى > وصار عبد ، او يكون اين كان وصار شيخ وغيرهـ ...)
فالآن خلاص كلنا متساوين وكلنا الحمدلله يملك بيت يسكن فيه ويتربى مع اهله وبين اخوانه ، حتى لو كان ما عنده بيت ما يصير مشرد او غيرهـ
لانه راح يجي يوم ويموت ويبعث ويحاسب على اعماله الصالحة والسيئة والصحيحة والخاطأت والحقوق التي عليه وله من الناس اي كان هذا الشخص ، لا قبيلة ولا اي شي يفزع له من امر الله
فلو استمرا الناس كذا اتوقع راح يجي وقت ويتحاربوا القبايل وينشغلوا عن هدفهم الاصل بالدنيا وهو الجمع للآخرة ويتحقق كلام الرسول اللهم صلي وسلم عليه ( بدأ الاسلام غريب وسيعود كما بدأ غريب ) وهذا سيكون والله اعلم كيف
انا كتبت هذا الموضوع عسى ان تزول التشددات القبيلية ويكونوا الناس اخوان لا احد يفرق بين الثاني الا بالتقوى ،
وزوجوا من ترضون دينه وخلقه
وهذه هي الحياة ( تتربى صغير ، تتزوج و تامر بالمعروف ، تربي ابنائك ، تموت ) وتبعث وتحاسب على ما قدمت
يا اخوان
انا ما كتبت الموضوع اطلب من احد شي ، إن اجري الا على الله رب العالمين
الحمدلله على كل حال
احترامي للجميع
وصلى الله على نبينا محمد وعلى آله وصحبه اجمعين
اعذرون ان كنت اخطيت على احد
والسلام عليكم ورحمة الله وبركاته
اخوكم ( كاتب الموضوع ) : مهند .
.
الثلاثاء فبراير 10, 2009 3:38 am
