حكمة الوقت

السلام عليكم ورحمة الله وبركاته
هاذي ابيات حلوه حبيت انقلها لكم واتمنا ان تحوز على رضاكم


عيش في الدنيا مثل عابر طريق
وخذ وصية من حديث المصطفى

ولا تلوم الوقت لو صدرك يضيق
كل جرح عند ربك له شفا

والحطب لوفي لهب ناره حريق
بس بعض أحيان جمره به دفا

عادة الأيام ما فيها رفيق
والزمن لو عاهدك لا ما وفا

ناظر العصفور وجناحه طليق
عانق السحاب غرد واختفى

ما درى الصياد له سهم دقيق
لو درى بالغيب جفنه ما غفا

القدر مكتوب في للوح الوثيق
وإن حدث ما تنفعه كلمه أفا

والأماني بحر والنايم غريق
والوصل لابد من بعده جفا

ومن حمل أكثر بعد مما يطيق
ينكسر عزمه ويمشي ع الحفا

والمحيط الشاسع ان واجه مضيق
موجه العاتي تلاشى واختفى

والذهب غالي وله لمعة بريق
ما نقص قدره ولو نوره طفى

ومن ضميره حي قلبه يستفيق
حزة الفزعات بتشوفه لفى

والنحل من طيبته يجني رحيق
والعطش من قسوته ما به صفا

والأفاعي سمها والله عويق
جرحها بالدم دايم ينزفا

و لا يغرك صاحب الصوت الرقيق
لو تشوف دموع عينه تذرفا

حكمة للوقت خذها يا صديق
من وثق بالله أفلح واكتفى


للشاعر :عتيق خلفان الكعبي

وسلامتكم

نقل مميز يا حمودي


واصل ابداعاتك ..

صح لسان الشاعر عتيق وتسلم يديك


نقل روعة