هنـا ... ساعدونا

بسم الله والصلاة والسلام على رسول الله



يا شباب خلوكم بالموقف

مانبي احد يعتذر متأخر ولو كان قبل التفريقة بيوم يجي الساعة 9 بالليل ويعتذر او 10 او 12 ويقول خلاص قبل بيوم

حنا مقصدنا بالاعتذار المبكر عشان نجيب لاعبين بدال اللي يعتذرون ونلعب كاملين

يعني مثلاً

واحد مسافر وجته الرسالة ليش ما يعتذر اول ما تجيه ليش يصبر الى اليوم اللي قبل التفريقة ؟

او

واحد مصاب يدري انه مايقدر يلعب التفريقة الجاية يعتذر اول ما تجيه الرسالة

او

بالدارسة ههههه فيه احد تحطم ؟ ( الله يعين اللي ماخذين صيفي ) يدري ان عندهـ اختبار باليوم اللي التفريقة تصير قبله ، ويجي ويعتذر قبل التفريقة بيوم وهو داري بالاختبار قبل بأسبوع او حتى قبل بيومين ، ياليت يعتذر قبل التفريقة بقدر المستطاع


"""

على العموم ابسدح لكم قوانين اللي يتجاوزة لا يزعل من الغرامة اللي تجيه ( على فكرة تراهـ الغرامات اللي نغرمكم مهب حاجة للفلوس ولا نبي نزعلكم (( بس عشان نظبط المخالفين)) لانه اذا درا انه راح يغرم يتذكر ويعتذر بدري ).اتوقع كل شي واضح .

القوانين اللي نبي من كل عضو بالتفريقة يلزمه

_ ان يعتذر قبل التفريقة بيوم وزيادة قبل المغرب (( قبل صلاة المغرب )) واللي يتعدى الوقت المحدد بالاعتذار ويعتذر نشوف له حل ( غرامة على حسب الظروف ) .

وغرامة عدم الاعتذار (يعني ما يعتذر ابد)20
والاعتذار المتأخر ( تحت دراسة اللجنة يكـــون )

_ الكرت الاحمر = غرامة 5 ريال

_ مانبي احتجاج على الحكام

_ الله الله بالاخلاق والاحترام بين اللاعبين داخل وخارج ( وبنص ) المستطيل الاخضر ( ويمكن يصير مستطيل بني ببعض الملاعب )


ياليت تساعدوننا لاستمرار التفريقة بدون غرامات وبدون نقص اللاعبين في المستطيل الاخضر ( حلوة المستطيل الاخضر )

طبعاً كثرة الاعتذارات ما تبيه واذا لاحظنا كثرة الاعتذار من احد الاعضاء ندرس سبب الاعتذارات ( والغرامة على حسب الاسباب ) قد تكون بايقافه كم تفريقة .



بالروح بالدم تفديكي يا التفريقة


السلام عليكم

يعطيك الف عافيه يابو حمد على القرار ..........................



وامل من العيال الانضباط تطبيق ماقلته........................................




والله يوفق الجميع ..........................................................



وشكرا..

احيييي (ابسدح) خروف بدري على العيد